აღწერა

Chanel Parfum-ის ლეგენდარულმა ბრენდმა გამოუშვა არომატების სერია, რომელიც მისი დამფუძნებლის, შეუდარებელი კოკო შანელის ბიოგრაფიას ეძღვნება. პარფიუმი Paris – Biarritz მოგვითხრობს იმ ადგილის ისტორიას, სადაც 1915 წელს კიდევ ერთი Chanel-ის ბუტიკი გაიხსნა. ბიარიცის კურორტი თვალწარმტაცი ოკეანის სანაპიროა, მდიდრული სასახლეები და თოვლივით თეთრი იახტები, რესტორნები, ბარები და მოდური სალონები. ამ ადგილების ატმოსფეროს ყვავილოვანი, ხისებრი მუშკის ფორმულა გადმოსცემს. პარფიუმერმა ოლივიე პოლჟმა გახსნის აკორდში ციტრუსები ჩართო – ლიმონი, ფორთოხალი, ბერგამოტი, გრეიფრუტი და მანდარინი. გულში ნეროლი, შროშანა და მწვანე ნოტები ჟღერს, ხოლო ბოლოს პაჩულისა და მუშკის დუეტი ვლინდება.